مـــــــــــــرحــــــــبـــانـــي ,,,
شحــــــالكــو شخــبـــاركــو ؟؟!!
هـذي قصيده لشــاعـر المشغـــوني عــن ’’’الــعــ درا الزين ــيــن ’’’
قالت انسافر قلت وين السفر وين
تبغين لندن لو أمريكا زياره
قالت أريد العين دار البساتين
القلب حن ويبغي يشوف داره
قلت المصيبه تسافر الناس للصين
وجنيف واوروبا تشوف الحضاره
وانتي تبين العين فالحر تبغين
قالت احسن لي عن بلاد النصاره
قلت اسمعي يا بنت فالأمر حلين
طيعيه شوري وافهمي بالإشاره
عندي مكان احسن من جنيف والصين
لعشوش دار أهل الكرم والوقاره
بيت اليواني بنشيده من ألحين
في وسط ظل يانعات أثماره
قالت ذكرت الوطر لول من سنين
بتردنا للبدو عقب الحضاره
قلت الحضاره لا حضاره من ألحين
شوفي العزب لي ماليات الظهاره
ناخذ عفشنا والدبش والركابين
ونسكن بدعثور يكود غباره
نفتك من ظول البشر والدكاكين
قالت معاك وفكنا من الخساره
قلت انتي عجيبه بين كل النساوين
تفضلين البر عقب الإناره
قالت أخاف عليك من كثرة الدين
لانسان لو سافر مرده دياره
لكن لا داعي لصرف الملايين
يتحسبون ان المظاهر شطاره
انتي صراحه غير عن جيلنا ألحين
تفكرين بماضي راح كاره
قالت حشا ما راح وطر البداوين
بوجود بوسلطان رافع ستاره
الله يديمه شيخنا قولوا آمين
الله يعزه والله يعز داره
خلاا دياره يانعه بالبساتين
صارت أوروبا دارنا من أفكاره
يا كم لي يوها من البعد عانين
العين يا دار الوفا والوقاره
قالت أحب العين والعين فالعين
ومن دون عينه لآدمي يا دماره
العين يا دار الاريام المزايين
يا سعد من دار البنفسج دياره
العين منزلها على الراس والعين
فخور من كان البنفسج شعاره
تمت وصلوا عالنبي يا مسلمين
بدو وحضاره وافهموا بالإشاره
وسلااااااااااامتكم ,,, صــــــح لســـانـــهـ ,,,
موضوع: ’’’الــعــ درا الزين ــيــن ’’’ 
السبت 31 مايو 2008, 9:40 pm
.....هههههههههه